印花係咪只可以喺商業上應用呢？我哋MISTAMP嘅團隊認為唔係。
印花嘅本質係透過提供誘因去改變人嘅行為，其實非常適合用嚟協助舉辦公益活動。以環保為例，除咗負面咁樣阻止唔環保嘅行為，例如拎走哂即棄飲管唔比人用、拎膠袋要額外收5毫子膠袋稅，仲可以考慮提供獎勵/誘因去鼓勵市民培養環保嘅習慣。例如，嗌少飯可以減1蚊，嗰1蚊其實就係一種誘因嚟。
只係1蚊、5毫呢啲銀碼比較細，久而久之，為求方便，市民都不以為然，變成唔再提供到誘因去鼓勵市民支持環保，減少浪費。
不過，如果機構同商戶願意推出獎勵計劃，市民幫襯佢哋嘅時候，例如自備餐具或者環保袋嘅話，就可以得到1個印花，儲夠5個印花就可以換領一啲小禮物，或者係$10以上嘅現金券，咁樣會唔會令市民儲印花換獎賞嘅同時，培養到自備餐具或者環保袋嘅習慣呢？
其實香港已經有商戶推出類似嘅儲印花計劃，回收膠樽就可以儲電子印花，唔同數量嘅印花可以換取唔同嘅獎品。不過計劃可能仲係處於早期試驗階段，未必有太多市民留意到。唔知日後類似嘅儲印花計劃又可唔可以推而廣之呢？
我哋MISTAMP嘅團隊認為，通過MISTAMP推出電子印花，除咗可以用喺銷售推廣，應該仲有更多潛力同可能性。以上只係喺環保方面舉例，其實慈善、教育、社區服務等唔同方面都有可能應用到電子印花。或者印花真係可以改變到香港，鼓勵到更多人出多一分力，一齊令香港成為一個更加美好嘅地方呢？
Let’s do something cool together! 歡迎聯絡我哋睇下有冇合作機會呀！
===============================
合作查詢
Email: info@metroinfo.net
Whatsapp: https://wa.me/+85290250538
辦公電話：+852 38978988
===============================
